बाजुरा जिल्लामा १२ वर्षीया बालिकालाई करणी गरेको आरोपमा एक जना पक्राउ परेका छन् । पक्राउ पर्नेमा बुढीगंगा नगरपालिका ८ नुवाकोट बस्ने ४७ वर्षीय दलबहादुर थापा रहेका छन् ।
थापालाई जिल्ला प्रहरी कार्यालय बाजुराबाट गएको प्रहरी टोलीले मंगलबार पक्राउ गरेको हो । पीडित बालिका र अभियुक्त थापाको स्वास्थ्य परीक्षण जिल्ला स्वास्थ्य कार्यालयमा भएको हो । थापामाथि बाँकी अनुसन्धान जारी रहेको जिल्ला प्रहरी कार्यालय प्रमुख उदवसिंह भाटले बताए । प्रहरी प्रमुख भाटले भने ‘ आरोपित थापालाई जबरजस्ती करणी ऐन अनुसार मुद्दा चलाइएको छ ।’
पीडितको भनाई
पुस २७ गते दिउँसो भँैसीको गोठमा पराल र पानी खुवाउन गएको समयमा मुख छोपेर कसैलाई भनिस् भने मार्ने धम्की दिँदै भँैसीको गोठ भित्रै बलात्कार गरेको १२ वर्षीय बालिकाले बताएकी छिन् ।
यता आरोपित थापाले भने आफूले बालिकालाई करणी नगरेको दावी गरेका छन् । उनले भने ‘बालिकालाई जबरजस्ती गरेको हो भने २७ गतेको दिन मै बाहिर आउनु पर्ने थियो ।’ तर चार दिनपछि घटना बाहिरिएपछि आफूलाई फसाउन खाजेको थापाले दावी गरेका छन् ।
कर्णाली रैवार संवाददाता । २ माघ २०७५, बुधबार १८:१०