हुम्ला– शान्ति तथा सम्पूर्ण मानव प्राणी जगतको हितका लागि हुम्लामा एक दिनमा
क्याप्सनः रिम्पोछे पेमा रिक्चाल हुम्ला लामा समुदायको तस्बिर
८० हजार पटक बज्रगुरु मन्त्रजप गरिएको छ । आइतबार गतेदेखि हुम्लाको सदरमुकाम सिमकोट सुरु भएको अन्तिम दिनमा ८० हजार पटक बज्रगुरु मन्त्रजप भएको छ ।
आज अन्तिम दिन सदरमुकाम सिमकोटमा बज्रगुरुजप कार्यक्रम र गुरुपद्यसम्भव मन्त्र पूजा सम्पन्न हुनेछ । उक्त मन्त्रजपमा अवतारी रिम्पोछे पेमा रिक्चालबाट हुम्ला जिल्लाकै पहिलो पटक बज्रगुरु मन्त्रजप भएको लामा साँस्कृति मञ्च हुम्लाका सचिव छवाङ्ग लामाले जानकारी दिएका छन ।
शान्ति र सम्पूर्ण मानव प्राणिका हितका लागि बज्रगुरु मन्त्रजप गरिएको आयोजक समितिले बताएका छन ।
मन्त्रजप गर्दा आफ्नो मन चित्त शुद्ध भई सबै प्रकारको पुण्य लाभ प्राप्त हुने बौद्धधर्मावलम्बीको विश्वास छ ।
बुद्ध र बोधिसत्वको मन्त्रजप गर्नाले मन शुद्ध हुनाका साथै बुद्धत्व प्राप्त हुने बताइएको छ । अवतारी रिम्पोछे पेमा रिक्चाल गुरुबाट सोमबार बौद्ध धर्मको बारे प्रवचलन प्रदान गरिने लामा साँस्कृति मञ्च हुम्लाका अध्यक्ष धर्मानन्द लामाले बताउनुभयो ।
बज्रगुरु प्रवचनमा झण्डै ७ देखि ८ सय जना सहभागिता रहेको थियो ।
बज्रगुरु मन्त्र जपमा सिमकोट गाउँपालिका ४ का छिरिङ्ग पाल्देन लामा र सिमकोट गाउँपालिका ३ का छिरिङ्ग तेन्जीङ लामाको प्रयोजक र लामा साँस्कृतिक मञ्चको आयोजनामा सुरु गरिएको थियो । बज्रगुरु मन्त्र जप सम्पन्न भएपछि बिहीबार अवतारी रिम्पोछे पेमा रिक्चाल जुम्ला जाने कार्यक्रम रहेको आयोजकल जनाएको छ ।
कर्णाली रैवार संवाददाता । २१ कार्तिक २०७५, बुधबार १४:३४