हुम्ला,३ असार । तांजाकोट स्वास्थ्य शाखाले अल्ट्रासाउन्ड कार्यक्रम आयोजना गरेको छ ।
हुम्ला जिल्लाको ताजाकोट गाउँपालिकाले आ.व . २०७९/८० मातृ तथा नवशिशु कार्यक्रम अन्तर्गत असार ३ गते देखि ग्रामिण अल्ट्रासाउन्ड कार्यक्रम संचालन हुने तांजाकोट गाउँपालिका स्वास्थ्य शाखाले बताएको छ ।
ग्रामिण भेगमा अल्ट्रासाउन्ड कार्यक्रम संचालन हुंने हुंदा ग्रामिण भेगका गर्भवती महिलालाइ चेकजांच गर्न सहज हुने स्वास्थ्य शाखा संयोजक धनराज ढकालले बताए ।
पहिलो पटक ग्रामिण भेगमा यो कार्यक्रम संचालन हुने भएको संयोजक ढकालले बताए । परिक्षण गर्न आएकी ताजाकोटको बिनिता शाहिले गाउंमै परिक्षण गर्न पाउँद खुशी भएको बताइन ।
मन्पुरा हमाल , निशा सार्की र पुजा शाहिका अनुसार यो भन्दा पहिले अल्ट्रासाउन्ड गर्न बाजुरा जान पर्ने अवस्था रहेको हुंदा गर्भवती महिलाले पालिकामै सेवा पाउनु खुशिको कुरा रहेको बताइन ।
कार्यक्रम असार ३ र ४ गते मैला स्वास्थ्य चौकिमा, ५ गते गोठेलबाडा मा, ६ गते मदाना स्वास्थ्य चौकी र ७ गते भैसामाझ सामुदायिक स्वास्थ्य इकाइ मा संचालन हुने छ ।
कर्णाली रैवार संवाददाता । ३ असार २०८०, आईतवार १६:३२