हुम्ला–बाजुराको सीमासँग जोडिएको हुम्लाको ताजाँकोट गाउँपालिकाले क्वारेन्टीनमा राखिएकाहरुको स्वाब संकलन गरी परिक्षणको लागि कर्णाली स्वास्थ्य विज्ञान प्रतिष्ठान जुम्ला लगिएको छ । जिल्ला बाहिरबाट ताजाँकोट गाउँपालिका प्रवेश गरेका नागरिक र स्वास्थ्यकर्मी, होटेल व्यवसायीहको स्वाब संकलन गरी परिक्षणको लागि कर्णाली स्वास्थ्य विज्ञान प्रतिष्ठन जुम्ला लगिएको हो ।
मदना माध्यामिक विद्यालयको क्वारेन्टीनमा ८२ जना गोठेलबाडाको क्वारेन्टीनमा राखिएका ४१ जना धर्मोदय माध्यामि विद्यालयको क्वारेन्टीनमा राखेका १ सय २७ जना र जनप्रकाश माध्यामिक विद्याय भैसाबाजाँबाट ३० जना र लैयाटाबाट २९ जना गरी ३ सय ९ जनाको स्वाब संकलन गरेको छ ।
शुत्रबार कोभिड–१९को परिक्षणको लागि ३ सय ९ जनाको स्वाब गाउँपालिकाकै गाडीबाट कर्णाली स्वास्थ्य विज्ञान प्रतिष्ठान जुम्ला लगिएको ताजाँकोट गाउँपालिका स्वास्थ्य शाखा संयोजक राजेन्द्र स्याङकुले जानकारी दिए ।
गाउँपालिकाले आफनै बजेटबाट किट खरिद गरी क्वारेन्टीनमा राखिएका नागरिकको स्वाब संकलन गरी प्ररिक्षणको लागि जुम्ला लगिएको स्वास्थ्य शाखा संयोजक स्याङकुले बताए ।
क्वारेन्टीनमा राखिएका नागरिकहरुको स्वाब रिर्पोट नआउनजेल घर नपठाईने निर्णय भएको स्वास्थ्य संयोजक स्याङकुको भनाई छ ।
जिल्लामा किट अभाव भएका बेला ताजाँकोट गाउँपालिकाले आफै भिटिएम किट र आरडिटी किट खरिद गरी स्वाब संकलन गर्ने परिक्षणको लागि जुम्ला लिने जिल्लाकै पहिलो गाउँपालिका हो ।
लामो लडकडाउन भएपछि जिल्ला बाहिरबाट सयौ संख्यामा नेपालका विभिन्न शहर र भारतबाट मजदुरी गरी घर फर्किनेहरुको भिडभाड धेरै भएपनि अदानचुली,सर्केगाड,चखेली,खार्पुनाथ, नाम्खा गाउँपालिकाले भिटिएम किट खरिदमा कुनै चासो देखाएका छैन् ।
कर्णाली रैवार संवाददाता । ३१ जेष्ठ २०७७, शनिबार २२:०१