हुम्ला –११३ आैँ अन्तराष्ट्रिय महिला दिवसलाई लक्षित गरी हुम्लामा बाल विवाह न्युनिकरण गर्न देउडा गीतको आयोजना गरिएको छ।
नेपाल अष्ट्रिया साझेदारी नामक एक गैहसरकारी संस्थाको आयोजना र सिमकोट गाउँपालिकाको समन्वयमम बाल विवाह सम्बन्धि जनचेतना दिन देउडा गीतको आयोजना गरिएको हो ।
देउडा गीत मार्फत बाल विवाह न्युनिकरण तथा राेक्न गीतबाटै महिलाहरूले सवालजवाफ गरेकाे नेपाल अष्ट्रिया संस्थाका संयोजक छेपाल दोर्जी लामाले जानकारी दिए ।
हरेक वर्ष मार्च ८ मा तारिकका दिनमा मनाउने गरिएको महिला दिवस गाउँका महिलाहरुलाई जागरुक बनाएर बाल विवाह कम गर्न लक्ष्य रहेको संयोजक लामाले बताए ।
बुधबार सिमकोट बजारमा र्याली सहित महिला दिवस मनाउने संयोजक लामाको भनाई छ ।
गाउँघरमा हुने अधिकाश अपमान र हिंसा लुकाएर नबस्न सिमकोट गाउँपालिका –५ का वडाध्यक्ष नन्द रावतले बताए ।
समाजमा हुने बाल विवाह हिंसा लुकाउनुभन्दा महिलाहरु सक्रिय रहेर अघि बढ्न वडाध्यक्ष रावतले आग्रह गरे ।
कर्णाली रैवार संवाददाता । २३ फाल्गुन २०७९, मंगलवार १६:०६