गजल

इकमान लामा ‘इमाला’    

भ्रष्टाचार र महँगी यति धेरै बढे छ कि त्यसको कुनै आधार छैन
भित्रभित्रै खाक्रो बनिसकेछ देखेजस्तो सक्लो सिंहदरबार छैन

दिनहुँ जस्तो अपहरण, बलात्कार र हत्याका खबर सुनिरहँदा
लाग्छ, देशमा शान्ति, सुरक्षा दिने भरपर्दो सरकार छैन

जनताको सेवा र सुरक्षामा खट्नेहरू नै यहाँ बेइमानी देख्दा
इमानदारिता सकिएजस्तो लाग्यो कोही कसैप्रति सदाचार छैन

यो कस्तो पशुभाव आफ्नो र अरूको दिदीबाहिनीको मर्म बुझ्ने
सरकार र प्रशानस निरिह, अपराधी नपुगेको कुनै सिमसार छैन

-खानीखोला–४ फुलडाँडा, काभ्रे