काठमाडाैं । संस्कृति, पर्यटन तथा नागरिक उड्डयनमन्त्री रविन्द्र अधिकारी चढेको हेलिकप्पटर ताप्लेजुङमा दुर्घटना भएको छ । अधिकारीसहित ६ जना चढेको एयर डाइनेस्टी हेलिकोप्टर दुर्घटना भएको गृहमन्त्री रामबहादुर थापाले संघीय संसदको राज्यव्यवस्था समितिमा बोल्ने क्रममा बुधबार भएको ताजा घटनाको जानकारी गराएका हुन् । हेलिकप्टरमा मन्त्री अधिकारीसहित एयर डाइनेस्टीका मालिक आङ छिरिङ शेर्पा, विरेन्द्र बुढाथोकी, विरेन्द्र प्रसाद श्रेष्ठ, अर्जुन घिमिरे र युवराज दाहाल सवार थिए। हेलिकप्टर ताप्लेजुङको फुङ्लिङ नगरपालिकाको थाप्लेमा भेटिएकाे गृह श्राेतले जनाएकाे छ । हेलिकप्टर विहान पाैने ९ बजे त्रिभुवन अन्तराष्ट्रिय विमानस्थलबाट ताप्लेजुङका लागि उडेकाे थियाे । पाथीभराबाट फर्किने क्रममा हेलिकप्टर दुर्घटना भएको हो । हेलिकप्टर थाप्ले भन्ने ठाउँमा भेटिएको पुष्टि भएको छ । स्थानीयवासीले भीरमा ठूलाे अागाे बलिरहेकाे देखेकाे बताएका छन् ।
://www.samachardainik.com/
कर्णाली रैवार संवाददाता । १५ फाल्गुन २०७५, बुधबार १४:३६