जिल्ला प्रहरी कार्यालय हुम्लाले तीन महिनाको अवधिमा तीन हजार ८६ काटुन चिनियाँ मदिरा नष्ठ गरेको छ ।
बिहीबार सिमकोटमा गरेको नागरिक सुनुवाई कार्यक्रममा जिल्लाको विभिन्न स्थानबाट बरामद गरीएको चिनियाँ मदिरा (झिनगिन्टी) नष्ठ गरेको जिल्ला प्रहरी कार्यालय हुम्लाका निमित्त कार्यालय प्रमुख प्रहरी निरीक्षक हरिहर खडकाले बताए ।
जिल्ला प्रहरी कार्यालय हुम्लाका अनुसार चंखेली गाउँपालिका ५ को टाँकेनाबाट दुई हजार नौ सय आठ काटुन र सिमकोट गाउँपालिका ५ च्वाखोलाबाट एक सय ६० काटुन चिनियाँ झिनगिन्टी मदिरा बरामद भएको थियो ।
साथै, दुई पेटी, ६७ बोतल क्यान बियर सिमकोटबाट र चंखेली गाउँपालिका १ रिमी गाउँबाट आठ सय ७० लिटर घरेलु मदिरसमेत नष्ठ गरेको जिल्ला प्रहरी कार्यालय हुम्लाले जनाएको छ ।
सिमकोट गाउँपालिकाको च्वाखोला नाका र चंखेली गाउँपालिकाको टाँके नाकाबाट जिल्ला प्रहरी कार्यालय हुम्लाले गाउँमा भित्रने क्रममा बरामद गरी नष्ठ गरेको हो ।
कर्णाली रैवार संवाददाता । १२ पुष २०७५, बिहीबार १८:०१