हुम्ला–सर्केगार्ड गाउँपालिका ७ स्थित पानीमुल गाउँका २ घर आगलागी भएको छ । बेलुका साढे ५ बजे प्रेम प्रसाद जैसी र असौजे जैसीको घर जलेर ६ लाख बराबरी क्षेति भएको सर्केगार्ड गाउँपालिका ७ का वडाध्यक्ष कृष्ण जैसीले जानकारी दिएका छन ।
सर्केगार्ड गाउँपालिका ७ स्थित ठुला गाउँ पानीमुल, कार्कीबाडा, माझबाडा,लगायतका गाउँबाट स्थानीयबासी गएर माटो र पानीको सहयोगले आगो नियन्त्रणमा लिएको वडाध्यक्ष जैसीले बताए ।
बच्चाहरुले घरको चुलोको पाइपमा घाँस फालेको र त्यो घाँस सल्कदै आगलागी भएको उनले भनाई छ । सर्केगार्ड प्रहरी चौकीमा खबर गर्न खोज्दा सम्र्पक नभएको र वडाध्यक्ष जैसीले बताए । घर आगलागी हुनेमा स्थानिय असौजे जैशी र प्रेम प्रसाद जैशीको घर रहेको छ । दुवै घरमा राखिएको अन्न, जिन्सी सामान जलेर नष्ट भएको पाइएको छ ।
कर्णाली रैवार संवाददाता । ५ पुष २०७५, बिहीबार २०:५१