हुम्ला । उपनिर्वाचनको मिति नजिकिँदै गएपछि नेताहरु चुनावी प्रचार प्रसारमा सहभागि भएका छन् । कर्णाली प्रदेशका सामाजिक विकास मन्त्री दल र कर्णाली प्रदेशका प्रमुख प्रतिपक्ष दलका नेता जीबनबहादुर शाही चुनावी प्रचारमा जुटेका छन् ।
कर्णाली प्रदेशका प्रमुख प्रतिपक्ष दल नेता जीबनबहादुर शाही गत कार्तिक २७ उम्मेद्धारको मनोनयन दर्ता गरेसँग खार्पुनाथमा गाउँपालिकामा आयोजित चुनावी प्रसारमा सहभागि छन् ।
भने कर्णाली प्रदेशका सामाजिक विकास मन्त्री दल रावल आज आइतबारबाट खार्पुनाथ गाउँपालिकामा चुनावी अभियानमा सहभागि रहेका छन् ।
कांग्रेसले आफनो बलियो ठानेको खार्पुनाथ गाउँपालिकामा जीबनबहादुर शाही सांसद रंगमती शाहीसहित उम्मेद्धार ताराकुमारी शाहीलाई विजय गराउन जुटेको छ । प्रमुख प्रतिक्ष दलका शाहीको तस्बिर र उम्मेद्धार तारा शाहीको तस्बिर सँगै राखेर प्रचार जुटेको छ । यता नेकपा जिल्ला इन्चार्ज बिजय भण्डारी जिल्ला अध्यक्ष लालकेश जैसी प्रचार जुटेपनि आइतबारबाट मन्त्री रावल यो अभियानमा सदरमुकाम सिमकोटबाट हिडेका छन् ।
कांग्रेस साख जोगाउने कसरतमा
अघिल्लो चुनावमा गाउँपालिका एक वडा अध्यक्ष बाहेक सबै कब्जा गर्न सफल नेपाली कांग्रेसलाई अहिले साख जोगाउने कसरतमा जुटेको छ । खार्पुनाथ गाउँपालिकाको नम्बर १ को वडाध्यक्ष बाहेक सबै सिट जितेका काँग्रेसलाई अहिले साख जोगाउन कसरतमा छ ।
आगामी मंसिर १४ गते हुने उपनिर्वाचनमा उपाध्यक्ष पदमा नेपाल कम्युनिष्ट पार्टी (नेकपा) र कांग्रेसबिच ठुलो प्रतिस्पर्धा हुने देखिएको छ । पुर्व एमाले पुर्व माओवादी केन्द्र मिलेर नेकपा बनेको ठुलो दलको प्रभावले मजबुत बनेकाले नेपाली काँग्रेसको जित विगतको जस्तो सहज छैन् । काँग्रेसको वर्चस्व रहेको खार्पुनाथ गाउँपालिकामा नेकपाले पकड जमाउदै गएका छन् ।
अघिल्लो चुनावमा कब्जा गरेको खार्पुनाथमा यस पटक नेकपा आफनो हातमा ल्याउन लागि परेको छ । अघिल्लो चुनावमा खार्पुनाथ गाउँपालिकाबाट झिनो मतले पराजित भएकी रुपा शाही नेकपाको तर्फबाट उम्मेदार छन् । भने नेपाली काँग्रेसको तर्फबाट उम्मेदार ताराकुमारी शाही छन् । राष्ट्रिय प्रजातन्त्र पार्टी संयुक्तको तर्फबाट दीपबिक्रम शाहीलाई उम्मेदार दिएको छ ।
दल घरदैलोमा चुनावी प्रचारमा
अघिल्लो चुनाव जस्तो सहज किसिमले हेरेका छैनन् । आगामी मसिर १४ गते हुने उपनिर्वाचनमा आफनो पोल्टोमा पार्न दाउमा नेकपा र कांग्रेस जनताका घरदैलोमा चुनावी प्रचारप्रसारमा जुटेका छन् ।
आफना नारा लिएर खार्पुनाथ गाउँपालिका ५ वटै वडाहरुमा नेकपा र कांग्रेस प्रचारमा जुटेका छन् । भोट तान्न गत २७ गतेदेखि खार्पुनाथ गाउँपालिका गाउँ गाउँमा जुटेका हुन् ।
कांग्रेस केन्द्रिय सदस्य एवम पूर्व मन्त्री जीबनबहादुरको नेतृत्वमा उम्मेदार ताराकुमारी शाहीसहित चुनावी प्रचारमा छ । भने नेपाल कम्युनिष्ट पार्टी नेकपा केन्द्रिय सदस्य एवम नेकपा जिल्ला इन्र्चाज बिजय भणडारीको नेतृत्वमा प्रचारमा छ । नेपाली कांग्रेसले खार्पुनाथमा आफनो बलियो उम्मेदार भएको बताएको छ भने नेकपाले आफनो उम्मेदार बलियो भएको दाबी छ ।
कांग्रेसको नेतृत्वमा शान्ति र संविधान, कांग्रेसकै नेतृत्वमा सम्वृद्धि अभियान नारा बोकेर गाउँ गाउँ चुनावी प्रचारमा जुटेको छ । भने नेपाल कम्युनिष्ट पार्टी नेकपाले निरन्तरता,जुझारुपन र योग्यताको सम्मान, समृद्धि र सुशासनको लागि सुर्यमा मतदान भन्ने मुल नारा बोकेर प्रचारप्रसारमा जुटेको छन् ।
गत जेठ ३ गते सिमकोटबाट खार्पुनाथ गाउँपालिकाको केन्द्र जाने क्रममा बोलेरो जिप दुर्घटना भई कर्णाली नदीमा खसेर ज्यान गएकी सोही गाउँपालिकाका उपाध्यक्ष सिन्धु हमाल शाहीको निधन भएर उपाध्यक्ष पद रिक्त रहेको थियो ।
संघीय समाजवादीले समर्थक पाएन
उम्मेदवारी दिन आवश्यक प्रस्तावक र समर्थक नपाएपछि संघीय समाजवादी पार्टीले हुम्लाको खार्पुनाथ गाउँपालिकाको उपाध्यक्ष पदमा मनोनयन दर्ता गर्न पाएको छैन । एक साताअघि नै जिल्ला पार्टीबाट सर्वसम्मत टिकट पाएका लिला जेठाराले मनोनयन दर्ता गर्ने प्रस्तावक र सर्मथक नपाएपछि मनानयन गर्न नपाएका हुन ।
कर्णाली रैवार संवाददाता । ८ मंसिर २०७६, आईतवार २१:३१