हुम्ला– खार्पुनार्थ गाउँपालिकाकी उपाध्यक्ष सिन्धु हमालको शव २२ दिनपछि भेटिएको छ । असार ३ गते मंगलबार खार्पुनाथ गाउपालिका ५ को बेडुबीसुना जिउला र कैल्याबालु स्थित जीप दर्घटना बेपत्ता हुदा बेपता भएकी हमालको शव आज बुधबार भेटिएको हो ।
सर्केगार्ड गाउँपालिका ३ स्थित नागरा कर्णाली नदीको किनारमा भेटिएको शव उपाध्यक्ष हमालको भएको प्रमुख जिल्ला अधिकारी धोलकराज ढकालले जानकारी दिएका छन ।
उपाध्यक्षका श्रीमान धिरेन्द्र शाही र खार्पुनाथगाउँपालिका अध्यक्ष कर्ण रावल लागायतका आफान्तले पहिचान गरेपछि उपाध्यकै भएको पृष्टि भएको प्रजिअ ढकालले बताए ।
शव भेटिएको सूचना पाएर सर्केगार्ड गाउँपालिका पुगेको प्रमुख जिल्ला अधिकारी ढकाल र जिल्ला प्रहरी कार्यालयका डिएसपी रामप्रसाद घर्तिमगर हेलिकप्टरबाट त्यसतर्फ पुगेका थिए ।
असार ३ गते सिमकोट देखि यांचुकुनातर्फ जाँदै गरेको जीप खार्पुनाथ गाउँपालिकाको बेडुबिसौनामा दुर्घटना हुँदा उपाध्यक्ष सिन्धु शाही हमाल सहित ११ जना अहिले सम्म कर्णाली नदीमा बेपत्ता भएका छन
कर्णाली नदीमा जीप दुर्घटना हुदा बेपत्ता उपाध्याको शव २२ दिन पछि भेटियो
कर्णाली रैवार संवाददाता । २५ असार २०७६, बुधबार १८:०२